Cynhadledd Masnach Deg Cymru 2008 - Dydd Sadwrn 7 Mehefin
5 Mai 2008
Eleni, bydd Fforwm Masnach Deg Cymru yn cynnal ei gynhadledd fwyaf hyd yn hyn, gan ymgynnull cefnogwyr Masnach Deg ar draws Cymru i ddathlu ac i ysbrydoli gwaith dirfawr holl ymgyrchwyr Masnach Deg. Dewch i glywed yn eu geiriau eu hunain gan bedwar cynhyrchydd Masnach Deg gwahanol ar effaith Masnach Deg ar eu cymunedau mewn gwledydd sy'n datblygu a hefyd archwilio materion amserol ynghylch Masnach Deg.
Bydd hefyd amrywiaeth gwych o weithdai'n ymwneud â materion Masnach Deg a fydd yn rhoi syniadau a thechnegau i'r ymgyrchwyr ynghyd â rhai gweithdai mewn lleoedd agored er mwyn rhannu syniadau a phrofiadau â grwpiau llywio Masnach Deg eraill.
Dewch i bori yn y Ffair Masnach Deg ardderchog sydd ag amrywiaeth eang o stondinau'n gwerthu nwyddau Masnach Deg ac sy'n rhoi gwybodaeth, yn ogystal â chaffe Masnach Deg. Caiff y ffair ei threfnu mewn cysylltiad â Chymdeithas Siopau Masnach Deg Prydain a Chanolfan Cydweithredol Cymru. Bydd y ffair hefyd yn agored i'r cyhoedd ac mae mynediad yn rhad ac am ddim.
Bydd y gynhadledd hefyd yn lansio ymgyrch dathliadol ledled y wlad, 'Chwifio'r Faner dros Fasnach Deg'. Bydd y faner hon yn dathlu ymgyrch Masnach Deg Cymru drwy gychwyn ar daith ar draws Cymru i ymweld â 22 o wledydd.
Pryd: Dydd Sadwrn 7 Mehefin
Amser: 10am - 4pm
Ble: Prifysgol Cymru, Casnewydd - Campws Caerllion
Am fwy o wybodaeth neu i lawr lwytho ffurflen archebu, ymwelwch â gwefan Fforwm Masnach Deg Cymru.
