Rhoi Pwysau a Dwyn Perswad
17 Hydref 2009
Ar benwythnos 16-18 Hydref daeth prosiectau gefeillio cymunedol Cymru/ Affrica at ei gilydd gyda Oxfam Cymru i sefyll i fyny yn erbyn tlodi yn Llandrindod. Ysgrifennodd cefnogwyr Oxfam Cymru ar hyd a lled y wlad i'w AS gan ymuno a dros 170 miliwn o bobl ar draws y byd a weithredodd er mwyn taclo tlodi.
Yn y flwyddyn 2000 gwnaeth arweinyddion y byd addewid i hanneri toldi byd eang erbyn 2015, drwy weithio tuag at Amcanion Datblygu y Mileniwm (Millennium Development Goals). Ar benwythnos 16-18 Hydref mae hefyd diwrnod y Cenhedloedd Unedig i ddileu toldi pan fo pobl ledled y byd yn adlewyrchu pa gynnydd sydd wedi bod tuag at y Amcanion Datblygu y Mileniwm yn ogystal a galw am weithredu pellach.
Er mwyn cyflawnu'r amcanion, mae'n hollbwysig fod Llywodraeth y DU yn cadw at ei addewid o wario 0.7% o'i incwm cenedlaethol ar gymorth erbyn 2013. Dylid defnyddio'r arian cymorth hwnnw ar gyfer taclo toldi yn unig a dim arall.
Er bydd effeithiolrwydd yr addewid hwn yn cael ei danseilio os na fydd newid hinsawdd yn cael ei atal, gyda tymheredd yn codi yn achosi sychderau, llifogydd a heintiau yn lledaenu'n gynt ymysg pobl dlotaf y byd. Mae'n hanfodol fod llywodraeth y DU yn ymrwymo i dorri allyriannu CO2 o o leia 40% erbyn 2020 - nid ffug dorri lle fydd y DU yn gwrthbwyso ei allyriannau. Mae rhaid i hwn fod ynnychwanegol at gefnogi gwleydydd tlawd i ddatblygu mewn modd carbon isel.
Does gan bobl dlotaf y byd ddim llais yng ngwleidyddiaeth y DU, er bod eu bywydau a'u bywiolaethau yn aml yn ddibynnol ar benderfyniadau ein cynrychiolwyr. Dyna pam yr aeth ymgyrchwyr ati i roi pwysau ar Asau Cymreig i sicrhau fod y cyfreithiau sy'n cael eu pasio yn y DU yn cefnogi llwyddiant Amcanion Datblygu y Mileniwm, yn atal effeithiau gwaethaf newid hinsawdd ac yn cefnogi cymunedau tlotaf y byd i addasu i effeithiau newid hinsawdd maent eisoes yn eu profi.
