18 Gorffenaf 2008

Bydd Oxfam Cymru yn edrych yn ôl ar lwyddiannau'r flwyddyn gyntaf mewn cynhadledd flynyddol yn dathlu'r prosiect tair blynedd i gefnogi ffoaduriaid a cheiswyr lloches benywaidd yn ne Cymru.

Cynhelir y gynhadledd - Menywod a'r Broses Lloches: Beth yw'r sefyllfa? yn Neuadd Dewi Sant, Caerdydd ar 10 Rhagfyr, gan uno pobl a mudiadau sydd wedi cefnogi neu dderbyn cefnogaeth prosiect Menywod sy'n Ceisio Lloches yng Nghymru.

Ymysg prif siaradwyr y digwyddiad mae:

- Kirsty Williams AC - Arweinydd Democratiaid Rhyddfrydol Cymru

- Jane Farleigh - Cyfarwyddwr Asiantaeth Ffiniau'r DU, Cymru a'r De Orllewin

- Debora Singer - Rheolwr Polisi ac Ymchwil, Asylum Aid

- Mark Isherwood AC - Llefarydd yr Wrthblaid ar Gyfiawnder Cymdeithasol

- Chris Johnes - Pennaeth Oxfam Cymru

- Kate Smart - Cyfarwyddwr Polisi, Cyngor Ffoaduriaid Cymru

Hefyd, bydd neges fideo bersonol oddi wrth Jane Hutt AC, y Gweinidog dros Blant, Dysgu Gydol Oes a Sgiliau.

Mae'r prosiect, gyda chefnogaeth Cronfa Loteri Fawr, yn gweithio gyda phartneriaid yn y sector statudol a gwirfoddol i ddarparu hyfforddiant a gweithgareddau cefnogol sy'n galluogi ffoaduriaid a cheiswyr lloches benywaidd, bregus, i gael hyder i gyfranogi'n fwy llawn mewn cymdeithas.

Ymysg uchafbwyntiau'r flwyddyn ddiwethaf:

- Sefydlwyd chwe chanolfan galw i mewn ar gyfer menywod yn Abertawe, Casnewydd a Chaerdydd

- Yn sgil gweithdai preswyl a dyddiol, crëwyd tri deg o hyrwyddwyr cymunedol benywaidd i gefnogi cyd ffoaduriaid a cheiswyr lloches benywaidd

- Dathlwyd Diwrnod Rhyngwladol Menywod yng Nghynulliad Cenedlaethol Cymru, gyda chynrychiolwyr menywod o'r dair dinas yng Nghymru

- Bu 30 o fenywod yn lobïo llywodraeth y DU yn Llundain dros decach penderfyniadau yn y broses lloches

- Cynhaliwyd pedwar gweithdy diwrnod o hyd ar gyfer mudiadau sy'n gweithio gyda cheiswyr lloches a ffoaduriaid, yn hyrwyddo arfer da

Am fwy o wybodaeth am y prosiect cysylltwch â swyddfa Oxfam Cymru ar oxfamcymru@oxfam.org.uk