Statements on the war

‘Dw i’n meddwl ei bod hi’n hollol ddibwynt mynd i ryfel. Ond gan ein bod ni yng nghanol rhyfel, mae angen i ni gefnogi’r bobl sy’n ymladd drosom ni. Mae’n drueni gen i dros yr holl bobl sydd â theulu a ffrindiau yn Irac a’r lluoedd arfog. Alla’ i ddim gweld pam na ellid datrys y mater yma’n heddychlon.’

Rachel, 14, Burnham, y DG

‘Mae gwladwriaethau fel y rhain, a’u cynghreiriaid terfysgol, yn echel drygioni, sy’n ymarfogi er mwyn bygwth heddwch ein byd... Mae hanes wedi galw America a’n cynghreiriaid i weithredu, a’n cyfrifoldeb a’n braint yw ymladd brwydr heddwch.’

Arlywydd UDA, George Bush, yn ei Anerchiad blynyddol ar Gyflwr yr Unol Daleithiau, 29 Ionawr 2002

‘Fel llawer iawn, iawn o bobl Iracaidd, rwyf yn erbyn Saddam Hussein ac ar yr un pryd yn erbyn ymyriad America yn Irac. Daeth Saddam Hussein i rym gyda chefnogaeth America, ac rŵan maent eisiau cael gwared ag ef a gorfodi arweinyddiaeth arall arnom ni. Does gan hyn ddim byd i’w wneud â democratiaeth, nac â lles pobl Irac — mae a wnelo â goruchafiaeth yr Unol Daleithiau dros y byd.’

Nadia Mahmoud, gwrthwynebwraig Iracaidd ac ymgyrchydd dros hawliau merched, sy’n byw yn Llundain

‘Felly, mae ein dewis yn glir: tynnu’n ôl, a gadael Saddam wedi ei gryfhau’n aruthrol; neu fwrw ymlaen i’w ddiarfogi trwy rym. Efallai y byddai encilio’n rhoi ennyd o seibiant i ni, ond rwy’n credu y byddai blynyddoedd o edifeirwch am ein gwendid yn dilyn.’

Prif Weinidog y DG, Tony Blair, mewn anerchiad i’r genedl, 20 Mawrth 2003

‘Yn y byd modern, ni ddylid ond defnyddio grym dan amgylchiadau eithriadol, ac yn niffyg dim arall. Ni ddylid ond ei ganiatáu mewn achosion lle mae’r grym yn gyfreithlon, neu trwy benderfyniad yr awdurdodau rhyngwladol cymwys.... Dim ond hyn sy’n ein gwarchod yn gadarn rhag temtasiynau anturio.’

Arlywydd Ffrainc, Jacques Chirac, mewn araith ynBeirut, Libanus

‘Mae fy nau frawd — un ohonynt yn ieuangach na fi, dim ond yn 16 oed — wedi cael eu drafftio i’r fyddin, ac maent yn Baghdad erbyn hyn. Rwy’n pryderu’n fawr yn eu cylch, ac ynghylch fy nheulu. Dydw i ddim yn hoffi Saddam Hussein, ond rwyf yn erbyn y rhyfel hwn.’

Ahmed, ceisiwr lloches Iracaidd 17 oed ym Mhrydain

Classroom activity: Interpreting different viewpoints

From Iraq: war and peace online resource

From Cool Planet - Oxfam's website for teachers and young people: www.oxfam.org.uk/coolplanet

Copyright Oxfam GB 2003. All Rights Reserved.
Site terms and conditions || Privacy policy