|
Cynllun Gwers: Tsunami yn y cyfryngau
Allan o adnoddau arlein Tsunami yn Asia
Amcanion
Annog disgyblion i edrych yn feirniadol ar adroddiadau yn y cyfryngau
Caniatáu disgyblion i ymchwilio i’r effeithiau a gaiff y cyfryngau ar y ffordd maent yn meddwl
Datblygu sgiliau cydweithredu trwy gyrraedd consensws o fewn i’r grwp
Byddwch angen
Digon o gopïau o chwech erthygl, pennawd neu ddelwedd papur-newydd (un set ar gyfer pob grwp) ynglyn â’r tsunami yng Nghefnfor India. Gallwch ddefnyddio naill ai penawdau i gyd, delweddau i gyd, erthyglau i gyd neu gyfuniad ohonynt.
Darn o bapur ar ffurf ‘swigen syniadau’ (gall disgyblion baratoi’r rhain eu hunain)
Beth i’w wneud:
Rhannwch y dosbarth yn grwpiau o bedwar neu bump. Rhowch set o’r eitemau allan o bapurau-newydd ‘rydych wedi eu casglu i bob grwp.
Gofynnwch i’r disgyblion drafod yr eitemau papur-newydd a roddwyd iddynt. Ar gyfer pob eitem, dylent ystyried y brif neges mae’r eitem yn ei mynegi a beth yw eu hymateb iddi - sut mae’n gwneud iddynt deimlo?
Dylent restru’r eitemau, yn ôl pa un sy’n gwneud yr argraff fwyaf arnynt. I wneud hyn gallent drefnu’r eitemau yn y siâp canlynol, gan osod yr un sydd yn eu barn hwy yn gwneud yr argraff fwyaf arnynt ar ben y siâp.
Dewch yn ôl at eich gilydd fel dosbarth a rhowch gyfle i’r grwpiau gyflwyno eu prif eitem, gan egluro sut y gwnaeth iddynt deimlo a’r rhesymau dros eu dewis.
Fel dosbarth edrychwch ar y tebygrwydd a’r gwahaniaeth rhwng y prif eitemau a ddewiswyd.
Ystyriwch beth oedd y ffactorau a wnaeth yr eitemau hyn mor bwerus a lluniwch grynodeb o’r pwyntiau.
Rhowch ddarn o bapur ar ffurf ‘swigen syniadau’ i bob disgybl a gofynnwch iddynt i ‘sgrifennu pa effaith a gafodd yr eitem arnynt. Defnyddiwch y ‘swigod syniadau’ a’r crynodeb o bwyntiau ynglyn â sut mae’r eitem yn gweithio i greu arddangosfa.
Allan o adnoddau arlein Tsunami yn Asia
|
Cool Planet for Teachers has moved
