Mae Pier Penarth, Barry Island, Marchnad Abertawe, Pier Aberystwyth Pier a chastell Caerdydd i gyd  "WEDI GWERHTHU"!

Fel y cam nesaf o'n hymgyrch tir, mae cefnogwyr Oxfam ar draws Cymru wedi bod yn codi arwyddion 'WEDI GWERTHU' yn rhai o hoff fannau Cymru i godi ymwybyddiaeth am yr angen i stopio tir gipio, sy'n gadael pobl yn Affrica, Asia ac America Ladin yn ddi-gartref a heb ffordd o fynd at dir meant yn dibynnu arno ar gyfer bwyd i'w fwyta ac i wneud bywoliaeth.

Aeth gwirfoddolwyr lleol, Keith ac Enid ym Mhenarth, Dan yn Barry Island, ein grwp o fyfyrwyr yn Aberystwyth, tîm y siop ynf Nghaerfyrddin, Brent Morgan o grwp theatre Dextart yn Abertawe ac ymgyrchwyr yng Nghaerdydd - i ledaenu'r neges ledled Cymru am yr angen i daclo tir gipio mewn gwledydd sy'n datblygu.

Mae'r rhuthr diweddar am dir wedi gweld ardal o dir maint Cymru yn cael ei werthu I fuddsoddwyr tramor bob 37 diwrnod yng ngwledydd tlawd. Prin iawn yw'r cytundebau hyn sydd wedi eu rheoleiddio'n ddigonol neu eu plismona i atal tir gipio, gan olygu fod pobl dlawd yn cael eu troi allan o'u catrrefi, yn aml yn dreisgar, heb ymgynghoriad na iawndal.  

Dywedodd Pennaeth Oxfam Cymru, Julian Rosser,: "Gyda ardal o dir maint Parc Cebnedlaethol Eryri yn cael ei werthu mewn gwledydd sy'n datblygu bob 8 diwrnod, mae mwyfwy o bobl yn wynebu'r risg o golli'r tir dan eu traed drwy dir gipio."

Mae'r tir a werthwyd ar draws y byd dros y ddegawd ddiwethaf yn ddigon I fwydo biliwn o bobl.

Ychwanegodd Julian, "Drwy gynnal ocsiynau esgus a chodi arwyddion wedi gwerthu, heb rybudd, ger mannau sy'n agos at ein calonnau, ry'n ni'n gobeithio bydd pobl yn gallu teimlo sut beth yw hi i brofi tir gipiad. Mae tir gipiad yn aml yn digwydd heb ymgynghoriad - dychmygwch gael eich taflu oddi ar eich tir heb rybudd a darganfod eich bod yn heb gartref, heb dir, heb geiniog ac yn wynebu trais."

Mae angen chi ac eich AS i wneud i Fanc y Byd i glywed.

Mae Banc y Byd yn ariannu llawer o gytundebau tir mawr. Mae hefyd yn dylanwadu sut mae tir yn cael ei brynu a'I werthu. Golyga hyn fod ganddo'r gryn i stopio tir gipio.

Gofynnwch i'ch AS ychwanegu ei lais i'n galwadau ni am gyfiawnder - dewch i ni 'neud swn all Banc y Byd ei anwybyddu.

http://www.oxfam.org.uk/get-involved/campaign-with-us/find-an-action/land-grabs-dfid?intcmp=hp_130_hych3_dfid-landgrabs_2012-12-06